Plantun de Prouvènço

Pèr coumpara dos planto d'encò nostre

Moenchia erecta & Aegilops cylindrica

Moenchia erecta

Caryophyllaceae

Nom en français : Céraiste dressé.

Descripcioun :
Pichoto erbo verdalo, sènso pèu, emé de fueio óupousado en lanço, que trachis sus sòu séusous. Se recounèis majamen à si flour di 4 petalo e 4 sepalo. Li sepalo soun un pau mai longo (+ 2 à 7,5 mm). Li flour soun pourtado pèr de long pecou bèn dre. Au nostre li flour an 8 estamino (varieta octantra) .

Usanço :
Counèissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 25 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Moenchia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 4
Ø (o loungour) flour : 6 à 10 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Abriéu à jun

Liò : Pelouso umido - Riéusset - Prado tourbouso
Estànci : Mesoumediterran à Mountagnard
Couroulougi : Paleoutemperado
Ref. sc. : Moenchia erecta (L.) G.Gaertn., B.Mey. & Scherb., 1799

Blad-dóu-diable(-di-long)

Aegilops cylindrica

Poaceae Graminaceae

Nom en français : Égilope cylindrique.

Descripcioun :
Aquéu blad-dóu-diable vèn de Turquìo e se pòu trouba d'eici d'eila dins li champ e lis escoumbre. Aleva noste relarg d'auto Prouvènço èi pulèu rare. Se recounèis à sa longo espigo que fai uno meno de cilindre de 4 mm de diamètre. Lis arèsto di glumo e di lemma soun courteto à la baso e loungarudo au soumet de l'espigo. Coumpara amé Aegilops ventricosa que ié sèmblo, mai que lis espigueto soun pu redouno.

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.